LAVUR SOCIALA DA SCOLA

PROJECT DA PILOT

Quei project da pilot ei lubius per in miez onn cunquei ch'il basegns acut existeva. En quei miez onn vegn evaluau sche la lavur sociala locala ei da nez per nossa scola.

Denter auter vegnan tematicas sco mobbing e prevenziun ad esser el focus.

 

Suenter quei miez onn vegn il Cussegl da scola trer in fazit per mirar sch'ei renda dad installar quella purschida sco part stabla dallas Scolas dalla Vischnaunca da Breil.

La luvrera sociala da scola suttastat directamein alla Cumissiun da scola. Persuna da contact ei Carmelia Gort.

CO FUNCZIUNESCHA LA LAVUR SOCIALA DA SCOLA?

La lavur sociala da scola ei ina purschida voluntaria e senza cuosts dalla vischnaunca da Breil.

La lavur sociala da scola ei Vies contact confidenzial tier problems.

Damondas, giavischs per termins ni in'emprem contact san haver liug persunalmein, per telefon ni per e-mail.

TGEI PORSCHA LA LAVUR SOCIALA DA SCOLA

  • Ella ei contact da confidonza per scolaras e scolars. Ella cusseglia, accumpogna e sustegn orientau ad ina sligiaziun.

  • Ella tracta las informaziuns a moda confidenziala e suttastat all'obligaziun da discreziun.

  • Discuors san haver liug persuls ni gest tenor giavisch era cun autras persunas en scola ni en rama dalla lavur da giuventetgna.

  • Tenor cunvegna organisescha ella ed accumpogna tier posts specialisai che porschan agid special.

  • Ella ei post da contact e porscha persunas da contact per persunas cul dretg genitural e scolastAs.

INFORMAZIUNS PER SCOLARAS E SCOLARS

"Atgnamein tschintschass jeu bugen inagada sur da quei. Aber jeu haiel tema che zatgi anfli ora quei!"

Na, la luvrera sociala da scola astga buca tschintschar cun enzatgi sur da quei che ti raquentas senza tia permissiun. Era buca al scolast ni als geniturs (Excepziun: Ti pericliteschas tia veta ni la veta da zatgi auter ni che ti planiseschas in delict).

"Sa ei schabegiar zatgei ch'jeu vi buc?"

Na, tut ils pass vegnan discussiunai cun tei. Secapescha che nus encurin communablamein sligiaziuns. La luvrera sociala da scola accumpogna e sustegn tei e ti eis buca pli persuls/persula cun tiu problem.

 

"Jeu lessel buca che auters vesien mei ni survegnien cun enzatgei!"

Sch'igl ei impurtont per tei lu fagein nus discuors mo leu nua che negin auter vesa. Era el mintgadi da scola restan nos contacts allura a moda confidenziala per telefon, e-mail ni sms/whatsapp.

Pren semplamein si contact cun mei!

Tel: 081 544 51 73

INSPIRAZIN PER GENITURS

Buca hesitei da dumandar suenter co la lavur sociala da scola sa rinforzar ed accumpignar Vies affon.

S'interressei tgei pusseivladads da sustegn ei dat per Vies intent.

S'informei tgei pusseivladads d'agid ei dat per familias ed affons e tgei pusseivladads da promoziun ch'ei dat.

 

La luvrera sociala da scola dallas scolas Breil Sandra Gabriel.

ACTUAL

Communablamein essan nus ferms - Quei referat vegn ad haver liug gliendisdis, ils 19 da fevrer ella 5. classa e suenter las vacanzas ella
6. classa.

Ulteriuramein vegn ei a dar ina runda da feed-back ella classa en turnus meinsil

© 2018 Scolas Breil/Brigels